^MysteriouS^: Date:28-04-2010|15:02

---

Hey Guys this is My Favorite Shayari Collection

^MysteriouS^: Date:28-04-2010|15:08

---

Khatam Hoga Zindagi Ka Yeh Safar Dekh Lena,

Tanha Chalay Jayeingay Hum Dekh Lena,

Zindagi Mein Nahi Koi Mukam Apna,

Bad Marnay K Hogi Kadar Dekha Lena,

Mujhe Ab KOi Kali BHi Nahi Deta PAr,

Phoolon Se Mehkay Gi Kabar Meri Dekh Lena,

Tanha Hi Zindagi Mein Chal Raha Hoon,

Janazay Mein Hoga Sara Shehr Dekh Lena,

Jo Ab Halat Pe Tum Muskuratay Ho,

Pereshan Hongay Inke Chere Dekh Lena,

Kuch K Sachay Kuch K Jhutay Aansu Hongay,

Kitna Ajeeb Hoga Woh Manzar Dekh Lena...

^MysteriouS^: Date:28-04-2010|15:09

---

kahi suni pe bohat etbaar krne lage.

mere hi log mujhe sangsar krne lage

purane logoN k dil bhi haiN khushbuoN ki tarah

zaraa kisi se mile, etbaar krne lage

naye zamaane se aaNkheN nahi mila paye

to log guzre zamane se pyar krne lage

koi ishara, dilasa na koi vaada magar

jab aai shaam tera intezar krne lage

hamari saada mizaaji ki daad de.. k tujhe

baGair parkhe tera etbaar krne lage

^MysteriouS^: Date:28-04-2010|15:10

---

Yaad aaoun tu bas itni se enayat karna...!

apnay badlay hoey lehjay ki wazahat karna...!

tum tu chahat ka shahkaar hoa kartay thay.....

kis se sekha hai ye ulfat main milawat karna?

hum sazaoun k haq-daar banay hain kub se?

tum he keh do k jurm hai kia muhabbat karna??

teri furqat main ye aankhain abhi tak num hain

kabhi aana meray ashkoun ki ziyarat karna...!

^MysteriouS^: Date:28-04-2010|15:12

---

Tumhein Kaisy Batayein Hum

Muhabbat Aur Kahani Mein Koi Rishta Nahi Hota

Kahani Mein

To Hum Wapis bhi Atay Hain

Muhabbat Mein Palatney Ka Koi

Rasta Nahi Hota

Zara Socho!

Kabhi Dil Mein Kharashein Daltii Yaadon Ki Saffakii

Kabhi Daman Se Liptii Hay

Kisi Bhooli Hui Saa'at Ki NumNaaki

Mujhay Dekho...

Mery Chehrey Par Kitnay Mausamon Ki Gard Hay

Aur Iss Gard Ki Teh Mein

Samay Ki Dhoop Mein Rakha Hua Ek Aayina

Aur Aayiney Mein Taa Hadd-e- Nazar Tak Phaily

Muhabbat ke Sitarey Aks Ban Kar Jhilmilatey Hain

Nayii Duniyaoon Ka Rasta Batatey Hain

Lakeeron Mein Kahani Hay

Kahani Aur Muhabbat Mein Azal Se Jung Jari Hay

Muhabbat Mein Ek Aisa Morr Ata Hay

Jahan Aa Kar Kahani Haar Jati Hay

Kahani Mein To Kuch Kirdaar Hum

Khud Farz Kartay Hain

Muhabbat Mein Koi Kirdaar bhi

Farzii Nahi Hota

Kahani Ko Kayii Kirdaar

Mil Jul Kar Kahin Aagay Chalatey Hain

Muhabbat Apney Kirdaron Ko Khud

Aagay Barhatii Hay

Kahani Mein Kayii Kirdaar Zinda Hi Nahi Rehtay

Muhabbat Apney Kirdaron Ko Marney Hi Nahi Deti

Kahani ke Safar Mein

Manzaron Ki Dhool Urrti Hay

Muhabbat Ki Musafat RaahGeeron Ko

Bikharney Hi Nahi Deti

Muhabbat Ik Shajar Hay

Aur Shajar Ko Iss Se Kya Matlub

ke Iss ke Saye Mein Jo bhi Thaka Haara

Musafir Aa ke Baitha Hay

Ab Iss Ki Nasl Kya Hay, Rung Kaisa Hay

Kahan Se Aaya Hay Kis Simt Jana Hay

Shajar Ka Kaam To Bas Chhaon Dena

Dhoop Sehna Hay

Isay Iss Se Garaz Kya Hay

Parrao Dalney Walon Mein Kis Ne

Chhaon Ki Taqseem Ka Jhagrra Uthaya Hay

Kahan Kis Ehad Ko Torra,

Kahan Waada Nibhaya Hay

Magar Hum Jantey Hain

Chhaon Jab Taqseem Ho Jaye

To Aksar Dhoop ki Naizey

Rag-o-Pay Mein Utartey Hain

Aur Iss k Zakhm Khurda Log

Jeetay Hain Na Martay Hain...!!!

^MysteriouS^: Date:28-04-2010|15:17

---

be shak na merey sath safar ikhtyar kar

ai merey bad_ghumaan mera aitebaar kar

wo khud tau titlyon ko liye ghumta raha

aur mujhko khatt mai likhta raha intezar kar

ab unkey qafley tau kahee'n door ja chukey

jin ki talab mai aaye thai sehra guzar kar

mainey tau terey hijr ka dukh jhail hi liya

ab tu bhi khudko waqf e rah e intezar kar

kab ho saki hai un ki samandar se dosti

matti k in gharondo'n pe kam inhesar kar

fursat miley tau daikh merey dil k aainey

aankho'n se apne kaghazi parday utaar kar