arif: Date:19-04-2011|07:18

---

Pls post ur Favorite faraz ,mohsin ,and other gazal nd shayari sms

Ali prince: Date:19-04-2011|11:29

---

Yahan ujLay ujLay roop Boht



Pr asLi km Behroop Boht



Us pairr k neechy kya rukna



Jahan saya km ho dhoop Boht



ChaL "InSha" apny gaon me



Bethengay sukh ki chhawon me



Q teri aankh sawaLi hy?



Yahan hr ik Bat niraLi hy



Is dais Basera mat krna



Yahan mufLis hona gaaLi hy



Chal "INsha" apny gaon me



Jahan sachay rishty yaron k



Jahan ghoonghat

zewar naaron k



Jahan Jharnay komaL sur waLy



Jahan saaz Bajen Bin taron k



ChaL Insha apnay gaon me...!

Ali prince: Date:19-04-2011|11:29

---

Fareb-e-zat sy niklo jahan k saanihay dekho,



Haqiqt munkashf hogi kbi to aainy dekho !!



Wohi ik ajnabi jis sy taluk sarsari sa tha,



Hmary dil men hoty hen usi k tazkray dekho!



Likha hy waqt ne ye b ajeb apnay muqadr mein,



Palttna he nahi jisko usi k rastay dekho!



Hmen samhjo na khush itna labon ki muskarhat se,



Hmari ankh me phely hazaron hadsay dekho!



Thakay haaray se baithey thy mgr teri sada sun kar,



Shksta pa chalay aye hamaray hoslay dekho..

Ali prince: Date:19-04-2011|11:31

---

Dhondty they tum se milney K ßahany Kitney,,"



Samney reh Kr b rahe begany Kitny,,"



Hum ne to Piyar Ka ek Pegham hi diya tha Lekin,



Logon ne ßana liay afsaney Kitney,,"



DiL faqat ek mazaar Pe sajda-raiz raha,



Sar utha Kr dekha to beet gaye zamany Kitney,,"

Ali prince: Date:19-04-2011|11:32

---

Maqrooz k bigrrey hoye halaat ki ma'nind.



Majbur k honton pe Sawalaat ki ma'nind



DiL ka teri chahat main ajab haal howa hy



Silaab se barbad makanaat ki ma'nind



Main un main bhatakty hoye jugnu ki tarh hun



Us shakhs ki aankhein hain kisi raat ki ma'nind.



DiL roz sajata hun main dulhan ki tarh se



Ghum roz chaley atey hain baraat ki ma'nind



Ab ye b nahi yad k kia naam tha us ka



Jis shakhs ko manga tha manajaat ki ma'nind



Kis darja muqaddas hy teray qurb ki khawhish



Masoom se bachey k khayalaat ki ma'nind



Us shakhs se milna mera mumkin hi nahi hy



Main piyas ka sehra hun, woh barsaat ki ma'nind.

reaper: Date:19-04-2011|11:40

---

I THINK SMS 160 CHARACTER K HI HOTE HAIN